(a) Fokot nanv zannam zal’lean tumi eka munxak khoreaninch vollkhotat oxem kiteak mhunnonk zaina? (b) Jezu konn aslo mhunn lok somzota?

HEA sonvsarant zaite famad lok asat. Thodde aplea vaddeant, thodde aplea ganvant ani thodde desant famad astat. Ani thoddeank, ak’kho sonvsar vollkhota. Punn, eka famad munxachem, fokot nanv zannam zal’lean tumi tea munxak khoreaninch vollkhotat oxem mhunnonk zaina. Karonn, tea munxache gunn, ani tachi her mahiti tumkam asona. 2 Jezu Krist, sumar 2,000 vorsam poilim hea prithumer jielolo, torui astana, sonvsarantlea zaitea lokamnim tachea vixim aikolam.

Punn, to khoreaninch konn aslo hem tankam azunui khobor na. Thoddeank, to ek boro munis aslo oxem dista. Thodde, taka ek provadi mhunnttat. Toxench thoddo lok, Jezuk Dev manta ani tachi bhokti korunk zai mhunn sangta.

To navigate through the Ribbon, use standard browser navigation keys. To skip between groups, use Ctrl+LEFT or Ctrl+RIGHT. To jump to the first Ribbon tab use Ctrl+[.

Tuka kitem dista? Tunvem Jehova Deva vixim ani Jezu vixim zannam zavop kiteak gorjechem? 3 Tunvem Jezu vixim sot zannam zavop gorjechem asa. Karonn Bible sangta: “‘Tuka, ekleach khorea Devak, ani Zaka Tunvem pattoilai tea Jezu Kristak vollkhun ghevop,’ hench tem Sasnnik Jivit.” ( Juanv 17:3) Jehova Dev, ani Jezu Krista vixim zannam zal’lean, fuddarak sobit bag zaunchi asa tea prithumer, tumi sasnak jieunk xoktolim. ( Juanv 14:6) Itlench nhoi, amchem jivit koxem jieunchem ani dusream thaim koxem vagchem, hachea-i vixim Jezun amkam ek borem udharonn dovorlam.

( Juanv 13:34, 35) Hea pustokachea ami Deva vixim xiklim. Atam ami, Jezu vixim Bible khorench kitem xikoita, tem zannam zaum-ia.

“Mesias” ani “Krist” hacho orth kitem? 4 Mesias vo Krist ietolo hea vixim, Jezu zolmochea adinch Bible-ant boroilolem aslem.

“Mesias” hem Hebrev bhaxen, ani “Krist” hem Grik bhaxen mhunnttat. Hea donui utrancho ekuch orth asa, to mhunnttlear “Makhlolo.” Hea bhasailolea Mesiasak, Devan khas kam korunk makhlolo vo vinchun kaddlolo.

Devan fuddara vixim bhasailolem tem purnn korunk, Mesiasan kitem kelem tem amkam fuddlea odheai-anim xikonk mellttolem. Toxench Jezu udexim, atam amkam koslim besanvam mellonk xokta, tem-ui ami zannam zatolim. Jezu zolmochea poilim, ‘Konn Mesias zait?’ ho prosn zaitea lokanchea monant aslo.

Jezu vixim tachea xisank kitem khatri asli? 5 Jezuch bhasailolo Mesias mhunn, tachea xisank khatri asli. ( Juanv 1:41) Simanv Pedru nanvachea eka xisan Jezuk, “Tum Krist” oxem mhunnttlolem.

( Matev 16:16) Jezuch khoro bhasailolo Mesias mhunn tache xis, khatren kiteak sangonk xokle? Ani toch Mesias mhunn, ami-i khatren koxem sangonk zata? Jezu hoch Mesias mhunn vollkhonk Jehova Devan koxi modot keli tem somzaiat. 6 Jezu ieunchea poilim, Devachea provadeamnim Mesiasa vixim zaiti mahiti diloli.

Ani tea mahiti voilean, Mesias konn to vollkhonk sompem zalem. Ek udharonn gheum-ia. Somza, tumchea eka soireak vimantoll, sttexon vo bos-sttopar thaun tumkam haddunk laila. Punn, tumi taka kednanch mellonk na vo pollounkui na. Toxem zalear tumi taka koxim vollkhotolim?

To kitem nhesla vo koso dista tachea vixim thoddi mahiti diloli zalear, taka vollkhonk tumkam sompem zata aslem nhoi? Toxench, Jehova Devan, Mesias kitem kortolo ani tachea sovem kitem ghoddttolem, hem provadeam udexim Bible-ant adinch boroun dovorlolem. Bhasailolea pormonnem zata tem polloun, Jezu hoch Mesias mhunn vollkhonk, tea vellar aslolea lokank modot zali. Jezu vixim khoincheo don bhasaunneo ghoddon aileo? 7 Atam ami Mesiasa vixim kel’leo don bhasaunneo polloum-ia. Sumar 700 vorsam adim Mika provadean, Judeiant aslolea Bethlehem hea lhan ganvant, bhasailolo Mesias zolmotolo mhunn sanglolem. ( Mika 5:1) Jezucho zolm khoim zalo?